بالصور شرح اعطال الباور فى المازر بورد

ملحوظة اضغط على الصورة لتكبيرها

السلام عليكم اصدقائى

نشرح مع بعض انهاردة عطل الباور

عطل الباور احبائى يختلف من عطل الى عطل بمعنى

1- عطل ال 12 ونشرحة مع بعض

المازر بورد جاتلك مروحة البروسيور بتلف نص لفة معنى كدة ان فى شورت معمول داخل دايرة البروسيسور

هنا عشان نتاكد ان كلامنا صح لازم نكشف الكشف الظاهرى الى اتكلمنا عنة قبل كدة وافكركم بية تانى

1- فك المازر بورد خارج الكيسة للتاكد من ان مفيش تلميس فى البوردة

2-التأكد من الباور سبلاى الى شغالين بية وكابل الباور

3- عمل كلير سيموس للمازر بورد نشيل حجر البطارية يعنى ونتاكد من وضع الجنابر الصح

كدة احنا كشفنا الكشف الظاهرى ومشتغلتش برضو

نكمل مع بعض

اول حاجة نعملها نشيل كابل ال 12 بتاع الباور صبلاى الى هو 4 بن

ونشغل من غيرة اشتغلت البوردة يبقى كدة فى شورت زى مقولنا فى دايرة البروسيسور

هنجيب الافو ونقيس على وضع الصفارة الى هو الباذر يعنى كل موسفتات دايرة الباور

لو لقينا ترانزيستور منهم عامل شورت بيصفر يعنى على الافو نشيلة بالهوت اير طبعا

ونقيسة برة البورد لقيناة عامل شورت يبقى هو اكيد العيب منة

لزيادة التاكيد نشغل المازر بورد من غيرة ونوصل هنا كابل ال 12 اشتغلت البوردة يبقى نغيرة فى الحال

بس الحركة دى انا مش بفضلها عشان فى بورد مش بتشتغل حتى من غيرة وفى بورد بتشتغل من غيرة

الاحسن اننا لو اتاكدنا ان هو نغيرة وبعد كدة نشغل

عملنا دا كلة ومفيش ترانزيستور مشرت ولا اى حاجة بعد القياس هنعمل اية ؟

نغير الميم كنترول وبعد كدة الدريفرات

ثانيا عطل الباور النهائى

يعنى احبائى بنحط البوردة قدامنا مش شغالة اى حاجة خرسة بالبلدى كدة نعمل اية

نكمل مع بعض

اولا الكشف الظاهرى برضو نشوف الشيبيات بتسخن او ال

IO الى هو ال ITE

وبعد كدة نعمل قفلة على الكرستالة

 ونشغل

كل دا ومفيش برضو مننساش نعمل كلير سيموس ونظبط الجنابر فى مكانها

نتاكد من ان مفيش مكثفات مفرقعة ولا فيها تسريب فى دايرة الباور

نكشف على الموسفتات

نغير الميم كنترول

نغير الدريفرات

نتاكد من موسفت الربط الى تحت مكان كارت الشاشة

ساعات برضو بيطلع ترانزيستور صغير تحت كونكتر الباور الكبير مش ال 4 بن

والله الموفق